РЕЦЕНЗИЈА: Протеински шпагети од црвен грав, или не? Избегнувај.

Овие шпагети изгледаат одлично и тоа што е напишано на предната страна е исто така одлично: ПРОТЕИНСКИ ШПАГЕТИ ОД АЗУКИ (ЦРВЕН) ГРАВ.

Тоа значи дека шпагетите се добиени од тој црвен грав, нели? Само што во случајов не е така. Иако на предната страна пишува дека шпагетите се од црвен грав, на задната страна ќе видите дека 90% се од соја, а само 10% од црвен грав.

Не знам како може шпагетите да бидат од азуки грав, а да се 90% соја. Ова е директно ставање во заблуда.

Доколку би напишале шпагети од соја, работата ќе беше далеку почесна. Иако сојата е во својата најчеста форма е АНТИНУТРИЕНТ, чесно е да се пише „соја“ наместо нешто друго.

Иако немаат превисока содржина јаглехидрати и содржат 44% протеини, овие шпагети освен што се рекламираат преку заблуда, се лош избор токму заради сојата. Ги создаваат сите ефекти што ги создава сојата. За жал, испробано во пракса.

Можеби ова ќе помогне да направат шпагети од црвен грав и без соја и малку повеќе чесност.