Согорувањето на вишок масти се случува ПРЕКУ МЕТАБОЛИЗМОТ.
Метаболизмот е збир на сите биохемиски процеси во организмот преку кои сите молекули се градат, разградуваат, преобразуваат и искористуваат за создавање енергија, одржување на структурата и регулирање на животните функции.
Тој е моторот на организмот и се наоѓа во секоја клетка.
Видот на физичката активност има значително влијание врз метаболизмот – на пример кардио и вежбање со тежини сосема различно влијаат. Но состојбата на метаболизмот во голема мера одредува каков ќе биде ефектот од активноста. Ова е точно до тој степен што човек не може да направи повеќе активност отколку што метаболизмот ќе му дозволи. Тој е границата. Се уморуваме и папсуваме само кога го надминуваме неговиот капацитет. За некои луѓе тоа се две скали, за други цел работен ден, за трети Монт Еверест…
Сите процеси во организмот зависат, за нивното одвивање, од метаболизмот.
Исхраната има најдиректна контрола врз метаболизмот.
Физичката активност троши енергија, но тоа е „принудно“ трошење. Преку 70% од вкупните потрошени калории во денот се трошат со самото тоа што сте живи. Ова се нарекува базален метаболизам: колку енергија ќе му биде потребно на телото да ги одржува своите функции кога би биле во мирување (без никаква физичка активност). Значи степенот и квалитетот на таа потрошувачка е најдобриот потенцијал за слабеење! Ако правилно се храниме, можеме да слабееме во текот на целиот ден, а не само во изолирани моменти. [Ова не кажува дека вежбањето е непотребно – секој кој сака да биде во што е можно подобра состојба ментално и физички – треба да вежба.]
Ако човек редовно јаде храна богата со јаглехидрати (леб, ориз, компири, проја, оризови галети, овес, тестенини…) и прошета еден километар, тој нема да согори ист број калории како при исхрана со протеини и масти и низок внес на јаглехидрати.
Ако човек од 100 кг со 40 кг вишок сало изоди еден километар, нема да истроши исто како кога би имал 100 кг но НУЛА вишок сало.
Од аспект на согорување калории, активноста е ПОДРЕДЕНА на метаболизмот.
Метаболизмот е воглавно подреден на исхраната.
Исхраната ви е подредена ВАМ.
СТАРТ.
Принципите на Мускултура се моќни кога ќе се разберат, уште помоќни кога ќе се применат. Закажете бесплатна 15-минутна дијагностичка консултација. Ќе ја анализираме вашата моментална состојба, исхрана и тренинг, за да ги лоцираме клучните блокади и да дефинираме конкретни насоки за напредок.
Закажете разговор
