Протеини во прав

За потребите на бодибилдингот или каков било тренинг за зголемување на мускулната маса или јакнење на телото, протеини во прав се неопходен суплемент.

Протеинот го гради, одржува и опоравува телото. Доаѓа од грчкиот збор protos што значи „прв, најважен“.

Потребниот внес е 1-2.5 грама протеин на килограм телесна тежина зависно од многу фактори. Ова се однесува на протеин од речиси кој било извор. Но за да внесете на пример 140 грама протеин само од месо, ќе треба да изедете 560 грама месо. Протеинските шејкови помагаат полесно да се задоволи дневниот внес. Но не само ова.

Кога и колку се внесува?

Протеините како суплемент се внесуваат тогаш кога знаете дека ви е потребно. Препораките за пред или по тренинг или наутро… се многу општи. Луѓето прават грешка со протеините, на пример ги пијат како оброк после тренинг и мислат дека се нахранети. Тоа е катастрофална грешка за хормоналниот систем.

Главната улога на протеините во прав не е да заменат оброк туку да го појачаат. Една од најпаметните употреби на протеините во прав е во здрави рецепти. Протеините помагаат да се постигне идеален состав и во благи, но не нездрави задоволства.

Поентата е во текот на денот да ја внесувате потребната количина протеини како и потребната количина масти.

Преголем внес на протеини односно лош сооднос на протеини во исхраната ќе го покачи инсулинот и го претворa протеинот во шеќер во крвта, што може да придонесе кон дебелеење.

Не препорачуваме протеински шејк да се пие на гладно без масти. Чистиот протеински шејк може дополнително да го покачи инсулинот, а тоа ќе го намали користењето масти за енергија.

Со правилно вежбање, исхрана и доволно спиење, телото е способно да користи максимум од внесениот протеин за максимум мускулен раст.

Доколку на пример не спиете доволно, ефектот на протеинот ќе биде значително намален. Или ако не предизвикувате доволно стрес на мускулите и тоа врз целото тело, исто така ефектот ќе биде значително намален. Доколку внесувате многу јаглехидрати, ќе се намали излачувањето на хормонот за раст, којшто е клучен за искористување на протеинот како сировина за раст на мускулите.

Исто така, доколку внесувате многу јаглехидрати, ќе се намали излачувањето на хормонот глукагон (заедно со хормонот за раст) кои се одговорни за топење вишок масти и искористување на мастите за енергија. Прочитај што го поттикнува глукагонот и како протеините се клучни за негово излачување.

Многу сало ќе предизвика зголемено ниво на естроген во телото, што директно го намалува тестостеронот. Повторно, намалено искористување на протеинот. Протеинот помага во топење на вишокот масти но само под одредени услови.

Со нашите програми добивате и препорака и инструкции за целокупниот потребен внес на протеини, масти и јаглехидрати.

Некои видови протеини

Мускултура го препорачува протеинот на Кето Култура.

Како суплемент, постојат повеќе видови протеини во прав.

Протеин од сурутка

Сурутката е течност која останува во процесот на производство на сирење. Млекото се загрева и во него се додава состојка која предизвикува згуснување. Откако млекото ќе почне да се згуснува, останува воденикава течност – сурутка. Производителите на протеини ја филтрираат, ја сушат преку жежок и ладен воздух за да остане сувата материја.

• Оваа сува материја е протеин концентрат. Во неа има околу 80% чист протеин а остатокот се јаглехидрати (млечниот шеќер) и масти.
• Ако помине дополнителен процес со кој се вадат поголемиот дел од јаглехидратите и мастите, добиваме протеин изолат. Од содржината на изолатот, најмалку 90% е чист протеин.
• Протеинот од сурутка може да биде преработен и со друг процес кој ги раздвојува молекулите на протеинот. Вака добиениот протеин се нарекува хидролизиран протеин и содржи 90-95% чист протеин. Производителите тврдат дека ова го прави уште полесен за апсорпција, иако протеинот од сурутка сам по себе многу лесно се апсорбира, па разликата е занемарлива ама ефектот врз продажбите не е. Меѓутоа ваквиот протеин има многу посилен ефект врз инсулинот и предизвикува уште поголем одзив на инсулин. (Затоа маслото.)

Секогаш гледајте ја етикетата со содржината и прегледајте колку јаглехидрати содржи на 100 гр или во една доза. Земајте ги предвид внесените јаглехидрати од протеинот со целокупниот дневен внес на јаглехидрати. Протеини со вештачки засладувачи и додатоци исто така влијаат негативно на хормоните и многу од тие додатоци покачуваат инсулин. Затоа вкусот не треба да е критериум за избор, ама баш никаков.

Казеин протеин

Млекото содржи два типа на протеин. Протеин од сурутка (20%) и казеин (80%). Како што опишавме погоре, кога се згрутчува млекото заради процесот низ кој минува, протеинот од сурутка и казеин се двојат. Протеинот од сурутката останува во водата, казеинот во грутките.

Казеинот се апсорбира за околу 40% поспоро од протеинот од сурутка и прави многу помал одзив на инсулин.

Казеинот е најчесто поскап од протеинот од сурутка. Некои казеин протеини содржат 10 грама млечен шеќер на 100 гр прашок. Некои содржат 3. Се разбира, одберете го тој што содржи помалку шеќери, но земете ги предвид и другите додадени супстанци.

Говедски протеин

Зависно од производот, прашањето е дали е наменет за вежбање или за во салон за убавина? Прочитај тука.

Протеин од соја

Не го препорачуваме воопшто, ниту производи кои содржат протеин од соја како дел од вкупната содржина на протеини. Еве зошто.

За протеините да бидат целосно и максимално искористени во насока на градење мускулна маса потребно е да се следат овие препораки за: