Од гладни до енергични: како да го разбудиме енергетскиот потенцијал на телото – длабока автофагија

Човековото тело е неверојатен ентитет. Учени сме да мислиме дека ако сме гладни нема да можеме да функционираме. И вистина е (во рамки на денешната норма) – речиси секој човек со стандардна исхрана 3-4 часа да задоцни со јадење ќе осети нервоза, зашеметеност исцрпеност… Но тоа не значи дека ЈАДЕЊЕТО му фали. Тој страда од презаситеност од погрешна исхрана која не само што не го храни, туку го тера телото постојано да биде гладно и неенергично.

Длабоката автофагија е процес кој се јавува при пролонгирано отсуство на внес на храна во организмот. Тоа е опстаночен механизам на телото кој вели: „Сега немаш храна, еве јас ќе ти дадам ситост, сила, висока перцепција, концентрација, радост, поправка – ти само стани и оди лови, оди најди храна.“ Оваа приказна е врежана со милиони години во нашето ДНК. БУКВАЛНО ЈА ПИШУВА ВО ГЕНИТЕ.

Исто така обратното е природен механизам. Пренајаден (иако денес воедно и ненахранет) човек ВЛЕГУВА ВО СОСТОЈБА СЛИЧНА НА ХИБЕРНАЦИЈА. Еволуциски гледано, тоа е механизам за да се заштеди тешко стекнатото сало.

Затоа човек кој е фит ќе има многу побрз и поефективен метаболизам споредено со кога не би бил фит или би имал вишок килограми. Што мислите, во кој случај човеков ќе биде погладен? Одговорот е во видеото.

Што значи метаболизам?

Доаѓа од грчкото metabole што значи „промена“. Употребата на терминот „метаболизам“ се однесува на процесите во телото кои ја употребуваат храната за создавање енергија и начинот на кој генерираат и користат енергија, синтетизираат (произведуваат) супстанци и ги одржуваат целокупните животни процеси.

Метаболизам е МОТОРОТ кој произведува енергија за сите процеси (движења) во телото (и се разбира за движење на телото во околината). Тука се и клиповите во моторот. Колку е поздрав и побрз метаболизмот, толку повеќе се движат клиповите и се случува повисока генерација на енергија.

Таа повисока генерација на енергија носи повисоко ниво на изведување на сите процеси во телото = повисоко ниво на живот и живост. Телото е поефективно во обавувањето на своите функции, односно ЖИВЕЕЊЕТО (внатре и надвор). Што прави телото внатре во себе, 24/7?

• Гради и поправа
• Лечи
• Се бори против натрапници
• Произведува
• Размножува
• Храни
• Пренесува супстанци и сировини
• Исфрла смет

Сето ова се случува низ целото тело и НА НИВО НА КЛЕТКА.

Овие ИСТИ функции ги имаме во општеството, дома, на работа. Замислете, каков би бил животот кога овие функции значително, драстично би се подобриле во општеството?

Но, метаболизмот не е мотор кој е лоциран на едно место во организмот, МОТОРОТ Е ЦЕЛИОТ ОРГАНИЗАМ. Метаболизмот постои на ниво на СЕКОЈА КЛЕТКА. Тоа значи дека нашиот организам е составен од МИЛИЈАРДИ МОТОРИ.

ИСТО КАКО ШТО ЕДИНИЦА-МОТОР НА ОПШТЕСТВОТО СЕ СЕМЕЈСТВОТО И ЕДИНКАТА.

Правилната исхрана и правилното вежбање, состојбата на нутритивна кетоза, интервалното постење и пролонгираното постење, добриот и квалитетн сон – ги будат и појачуваат МОТОРИТЕ НА ТЕЛОТО. Преку овие позитивни фактори во начинот на живот добивате далеку подобар и поефикасен систем, а не со поединечни решенија како медикаменти, чајчиња, алое вери, и сл. Не постои замена за нештата што навистина прават да имаме фантастичен мотор.