Рецепт за протеински кето леб

Овој леб е многу хранлив, навистина здрав и заситува далеку повеќе од обичен леб.
Потребни состојки:

150 гр кето брашно
1 лажичка прашок за пециво
1 прстофат сол
30 гр чист посен протеин во прав или протеин од сурутка во прав
3 јајца
20 гр истопен млечен путер
50 гр топла вода

Ги промешувате брашното, прашокот за пециво, солта и протеинот во сад за мешање. Потоа ги додавате јајцата, истопениот путер и топлата вода и промешувате.

Смесата ја истурате во тава за печење леб обложена со хартија за печење. Нека не ве буни доколку смесата е малку течна, со печењето излегува убаво.

Печете на 180 степени додека лебот не добие кафено-жолтеникава боја на површината. Ова е околу 30 минути, иако зависно од печката може да биде и повеќе.

Целиот леб содржи:

78 гр протеини
13 гр јаглехидрати
118 гр масти

Доколку го исечете лебот на 20 еднакви парчиња, ќе ги добиете следниве вредности по парче:

3.9 гр протеини
0.65 гр јаглехидрати
5.9 гр масти

Ова е леб што всушност ве храни – полн со протеини и здрави масти, ни одблизу не го качува шеќерот во крвта како обичниот леб! Со него може да правите тостови, сендвичи и да го користите како додаток во кое било јадење. Може да се мачка со млечен путер, ајвар или путер од кикирики/лешници со домашен џем од малини засладен со стевиа.

Уживајте! 😊

За други кето рецепти кликнете тука.

Порачка за вашите кето намирници направете тука.

Дино Николиќ
Креатор и автор на Мускултура
Здравствен тренер
Фитнес инструктор и тренер за кондиција и сила
Сертификуван нутриционист
26.11.2023