Јаглехидрати
Јаглехидратите активираат дебелеење (преку хормонот инсулин), ги попречуваат хормоните кои градат мускулна маса и кои топат сало. Мастите не влијаат така на хормоните. Всушност мастите се клучна сировина за производство на тестостерон.
Сите јаглехидрати не предизвикуваат еднакво брз одзив на инсулин. Простите јаглени хидрати како шеќер, леб, итн., – предизвикуваат брз одзив на инсулин. Сложените јаглени хидрати предизвикуваат побавен одзив на инсулин – грав, леќа, грашок, компир, ориз…, цели [непроцесирани] зрна како овес, ‘рж, јачмен.
Брзи или спори, јаглехидратите се конвертираат во шеќери што се конвертираат во масти.
Овошјата содржат шеќери. Цедените овошни сокови предизвикуваат посилен одзив на инсулин отколку кога се конзумираат цели (не цедени) и не во големи количини. Цедењето сокови значи елиминирање на влакната од овошјето. Овошјата содржат диетални влакна кои се всушност еден вид јаглехидрати кои не се раствораат во телото. Целосно се исфрлаат и како такви немаат калориска вредност. Влакната го успоруваат разложувањето на шеќерите и со тоа предизвикуваат помало лачење на инсулин. Јадете ги овошјата цели и во умерени количини.
Иако овошјата се здрави, на пример 100 грама јаболко содржи 10 грама шеќер, што е исто како 100 грама од кој било сок што содржи шеќер.
Во исхрана која е поволна за хормоните, диеталните влакна се неизоставен дел. Зелените салати се подобар извор на диетални влакна и содржат занемарлива количина шеќери.
Нека не ве залажува приказната за сложени (комплексни) и прости јаглехидрати. Доколку резервите (во мускулите и црниот дроб) на складиран шеќер се полни, какви и да се јаглехидратите кои ги внесувате, остатокот од нив што нема да биде потрошен за моментални потреби на енергија ќе биде конвертиран во масти и складиран како сало.
Правилната исхрана подразбира месо, кашкавал, сирење, јајца (и жолчка и белка), риба, зелени салати, здрави масла, најмалку два литри вода дневно и никако соја за мажите. Внесот на протеини треба да биде околу 1.5-2.5 грама протеин по килограм телесна тежина. Внесот на мастите треба да биде околу 1-3 грамa масти на 1 килограм телесна тежина. Јаглехидрати 40 грама дневно најмногу. Сите овие параметри треба да се утврдат во зависност од вашата телесна структура и од целите што сакате да ги постигнете.
Ако ги намалиме јаглехидратите многу е возможно да се појави глад за леб, буреци, пити, тестенини, благо и слично. Таа потреба може да се намали со зголемен внес на зелени салати кои ќе помогнат да се чувствуваме понајадени, „полни“. И обавезно да се зголеми внесот на здрави масла. По неколку дена таквата глад ќе исчезне. (Телото е адаптивен механизам).
Јаглехидратите се потребни во телото во одредена количина. Постојат клетки во телото на кои јаглехидратите им се потребни. Доколку има недостиг, телото само ќе ја произведе малата потребна количина преку внесените протеини! Меѓутоа во главно ќе имате доволен внес на јаглехидрати од салатите. Држете го внесот на јаглехидрати на минумум и жнејте ги придобивките од зголемувањето на хормонот за раст.
Масти од исхраната
Телото ги користи мастите од исхраната за многу цели. Една од нив е за производство на енергија. Друга е за производство на хормони и други важни супстанци. Одредени витамини како А, Д, Е се апсорбираат само во присуство на масти од исхрана. Бидејќи витаминот Д е важен за апсорпцијата на калциум, мастите всушност придонесуваат за апсорпција на калциум во телото.
Мастите внесени преку исхрана создаваат подолготрајно чувство на заситеност по оброците.
Инсулинот складира масти и/или јаглехидрати. Но јаглехидратите се тие кои го вивнуваат инсулинот, а не мастите. Исто така има додатоци во многу производи кои го вивнуваат инсулинот а не се јаглехидрати.
Доколку не внесуваме големи количини јаглехидрати, тоа значи минимален одзив на инсулин. Во тој случај внесените масти нема да се складираат. Доколку прекумерно и често конзумираме јаглехидрати (= често високо ниво на шеќер во крвта и покачен инсулин), тоа ќе го попречи растот на мускулната маса и ќе предизвика гомилање сало. Инсулинот блокира топење масти. Наместо ова, телото ќе ги претвора и складира хидратите во сало:
И гледаме човек кој сака да ги истопи мастите трчајќи го телото кое лакомо складира и претвора шеќери во масти. Или човекот кој сака да ги зголеми мускулите (што е овозможено од хормонот за раст), вежбајќи го телото во кое царува покачен шеќер којшто го намалува хормонот за раст.
Доколку не внесуваме големи количини јаглехидрати, нема да има голем одзив на инсулин и нема складирање масти. А протеинот ќе се погрижи за мастите, тие да бидат искористени. За тоа, голема заслуга има овој хормон.
Правилна исхрана поткрепена со соодветен режим на вежбање ќе го одржува вашето тело во состојба на користење масти за енергија.
Затоа митот дека „за да слабееш треба да трошиш повеќе од што внесуваш а за да качиш маса треба да внесуваш повеќе од што трошиш“ – е мит и тоа штетен мит. Може да резултира во многу мачење за да се ослабе, или во многу мачење за да се качи мускулна маса. Таа теорија не кажува што да внесуваш и колку, туку само брои калории како сите да доаѓаат од исти состојки со еднакви својства. Тоа е огромен, длабоко вкоренет, подмолен мит.
