Со спринтови се топат неколкукратно повеќе масти отколку со долготрајно џогирање или кардио. Меѓутоа нивната намена не е само за слабеење.
Спринтовите даваат хормонален одзив еднаков на 45-минутен интензивен тренинг со големи тежини.
Долготрајното и често трчање или џогирање е „најпопуларниот“ начин за слабеење. Воедно и најлошиот. Долготрајното џогирање поттикнува зголемено излачување кортизол, а тоа резултира во разградување на мускулите и намалување на тестостеронот и хормонот за раст. Секако дека се слабее но со многу пропратни негативни ефекти.
Зошто спринтот топи повеќе масти од џогирање?
Тестостеронот и хормонот за раст кои ќе бидат зголемено активирани од спринтот ќе истопат повеќе масти отколку што ќе истопите со еден час трчање, кое ќе активира кортизол а ќе ги потисне тестостеронот и хормонот за раст.
Како што е опишано тука, вишокот масти најмногу се губат за време на спиењето, доколку во текот на денот сте создале поволни услови со правилна исхрана и правилно вежбање.
Спринтовите силно ги активираат мускулните влакна кои даваат сила и мускулен обем и го забрзуваат растот на мускулна маса.
Спринтовите даваат дополнителен тестостерон и хормон за раст кои се едни од најдобрите топачи на масти.
Најдобар пример за да се воочат ефектите на долготрајното трчање и спринтовите е разликата помеѓу маратонците (маратонско трчање, 42 километри) и спринтерите (спринт на 100-200 метри).
Маратонци:
Спринтери:
Долготрајното трчање е „казна“ за тестостеронот и хормонот за раст и сериозно го намалува ефектот на редовните тренинзи со тежини.
Џогирањето доколку се изведува со умерено темпо и не повеќе од 20 минути, има поволни ефекти врз дишењето и циркулацијата на крв. Но овие поволни ефекти не се доволни за џогирањето или кое било „кардио“ да се категоризира како активност за слабеење. Кардио не е метод за топење масти, туку метод за срцево здравје, кондиција и слично. И дишење чист воздух на планина има поволни ефекти врз срцето и белите дробови. Правилен тренинг и исхрана, со барем 8 часа спиење секоја ноќ, топат многукратно повеќе масти од кое било кардио.
Спринтовите не одземаат ни приближно време колку џогирањето. Потребни се 5-10 минути дневно, три пати неделно, доколку веќе вежбате со кревање тежини.
Можеби 5-10 минути изгледа малку, но тоа е всушност и многу доколку прв пат почнувате со спринтови.
Како се спринтува?
Овие времетраења се дадени како пример, не значи дека важат исто за секого. За некој можеби ќе треба помалку секунди. Зависи од спремност, сила, тежина, итн.
Почнете со умерено трчање околу 2-3 минути (загревање, секојпат). Потоа почнувате со спринт, со сета сила што можете да ја соберете, но не повеќе од 10 секунди. Потоа одморете со брзо одење околу 1 минута, потоа повторно спринт 10 секунди. Ова е доволно за прв пат.
Следниот пат зголемете го спринтот на 20 секунди, па брзо одење 1 минута. Направете 2 спринта.
Следните три пати, по пола минута спринт со 1 минута брзо одење. Три вакви спринта за тој ден.
Потоа продолжете со 3 спринтови од по 1 минута со 1 минута брзо одење измеѓу. Ова е доволно да се прави два, најмногу три пати неделно во денови кога не вежбате. Најважно е да употребувате максимум сила за спринтот, трчајте најбрзо што можете.
Времетраењето е мало и можеби ќе имате тенденција да ги потцените спринтовите и да ги занемарите препораките за постепено започнување. Немојте. Може да се појави несвестица и други непријатни ефекти. Тоа е исто како напорот од 45 минути тренинг со големи тежини да го искусите во рок од 5 минути без претходна спремност. Многу е важно да се почне постепено.
Доколку правилно го практикувате, спринтот е еден од најдобрите методи за ставање на телото во режим на согорување масти (ефектот трае 24-48 часа), се разбира при правилна исхрана, вежбање и доволно спиење.
Џогирање или спринтови?
Спринтовите се далеку посупериорни.
Имате прашања? Пишете нѝ.
