Ефектот врз хормоните:
Покрај тоа што се намалува потенцијалот за градење мускули и топење масти, постои додатен бонус:
Се чудиме зошто наутро стануваме потечени и се тетеравиме како зомби, со чувство како да сме многу тешки. Или зошто после изедени 100 грама чоколадо или испиени 2-3 чаши сок се чувствуваме летаргично. (Јаглехидратите не се единствената причина, може да постојат разни други телесни и психички состојби што го предизвикуваат ова. Но кога ова се случува некој час после внес на јаглехидрати, заклучокот е очигледен.)
Нека не ве залажуваат советите од типот „Не се секирај за шеќерите преку ден. Ќе ги потрошиш со вежбање или со трчање.“ Практично ништо нема да се потроши, еве зошто. Меѓутоа и да потрошиме 100% од нив, негативниот ефект што веќе се создал врз хормонот за раст и другите хормони – нема да се потроши. Стресот што клетката го доживеала нема туку-така да го снема.
Тука е и тестостеронот. Повеќе сало = повеќе естроген = помалку тестостерон. Колку повеќе сало толку поголема склоност кон естроген и намален тестостерон.
Игнорирајте го „трендот“ на внесување ниска содржина масти а висока содржина јаглехидрати преку разни здрави житарици, овошја, кафеави шеќери, обезмастени млека. Мастите не предизвикуваат дебелеење. Ниска содржина на масти во исхраната е сигурен рецепт за ниско ниво на тестостерон. Прочитајте за потеклото на овој „тренд“ со висока содржина хидрати а ниска содржина масти. И како тој „тренд“ предизвика зголемување на стапката на дебелост во светот, со околу 400% зголемување таму од каде што потекна.
Тестови:
Еве неколку тестови што можете да ги спроведете за ефектот од јаглехидратите:
Изедете 100 грама чоколадо. Испијте 1 чаша газиран сок. По 1-3 часа заприметете како се чувствувате и која е разликата.
Изедете 200 грама овесни снегулки. По 2-4 часа заприметете кое е нивото на вашата енергија и како се чувствувате. Ова е сепак здрава храна, нели? Дури некои во своите митови ја препорачуваат како суперхрана.
Изедете 3-4 кришки леб или четвртина бурек или 200 грама тестенини веднаш пред спиење. Заприметете како ќе се чувствувате наутро кога ќе се разбудите.
Пред спиење изедете пилешки стек со зелен зеленчук и маслиново масло. Без леб, без ништо друго. Заприметете како ќе се чувствувате наутро кога ќе се разбудите.
Заклучоците ќе бидат ваши и само ваши.
