Вежбањето не лекува лоша исхрана

Луѓето кои имаат вишок сало, особено околу половината, на стомакот или бутовите страдаат од неправилна исхрана и хронично покачен инсулин.

Вежбањето е неопходна активност за секој жив и дава безброј бенефити. Го подобрува и инсулинот. Но:

Вежбањето не го коригира инсулинот во присуство на исхрана која го форсира.

Затоа гледаме луѓе кои вежбаат секакви вежби со години, а за време на сите тие години нивниот заоблен изглед или големиот стомак или вишокот акумулирано сало – не исчезнуваат.

Веднаш знаеме за што станува збор: погрешна исхрана. Без разлика колку мислат дека јаделе здраво и без разлика колку совети следат или колку житарици внесуваат – резултатите кажуваат друго.

Ако ја променат исхраната ќе променат многу во животот.

Голем дел од луѓето со кои работиме биле претходно советувани да јадат овес, просо, ориз, големи количини овошја и слично, чии резултати биле понатамошно здебелување, дури и замастување на црниот дроб, влошена крвна слика, нарушен сон… Или биле советувани да прават милиони стомачни за наводно топење на мастите околу пределот на стомакот, а на крајот добиле уште поистакнат стомак.

Тајната на рамниот стомак

Тајната на рамниот стомак и убавиот изглед не се вежбите за стомачни.

Тајната е природно појачување на хормонот за раст и нормално ниво на инсулин во текот на целиот ден, со правилна исхрана и правилно вежбање кое го третира целото тело како систем, а не како индивидуални мускули. Потребни се вежбање и исхрана кои се правилни од аспект на хормоните бидејќи хормоните се тие кои активираат слабеење, гомилање сало, градење или трошење мускулна маса. Хормон е старогрчки збор што значи „активатор“. Хормоните го регулираат изгледот на телото.

Како знаете дали нешто е правилно? Кога е неправилно, тогаш не дава добри резултати или настануваат лоши резултати. Кога е правилно – настануваат добри резултати. Толку е едноставно.