Се разболувате после вежбање?
Доколку се разболувате после вежбање или искусувате намален имунитет, температура, настинка, алергии, општа слабост, ви тече носот…, обрнете внимание на следново.
Може да постојат повеќе причини, но во главно тоа се одвива преку еден механизам.
Напад врз имунитетот.
Вежбањето е шок и стрес за организмот. Тој шок може да биде до таков степен телото да почне засилено да се брани. Високата температура или пак алергиските реакции, се резултат на одбранбените механизми на телото. Тие покажуваат дека телото смета дека е нападнато и тогаш почнува да се брани.
Со вежбањето, ние не сакаме толкави шокови за организмот и имунитетот. Ние сакаме шок за мускулите.
Во суштина, доколку се разболувате после вежбање тоа значи дека телото доживува поголем шок отколку што може да поднесе.
Доколку имате намален имунитет, причините за таквиот шок може да бидат повеќе. Прегледајте ги и одредете кои од нив се однесуваат на вас:
- Нагло вежбање со голем интензитет по долга пауза или почетнички старт со голем интензитет.
- Долги тренинзи над 90 минути.
- Немање добар оброк 90-120 минути пред тренингот.
- Немање оброк во рок од 1 час по тренингот.
- Недоволен внес на вода за време на тренингот.
- Не спиете доволно (7-8 часа).
- Вежбање или трчање по 22 часот.
- Слаба исхрана во текот на неделата.
- Недоволно спиење во текот на неделата.
Хормонални процеси
Преку вежбањето се активираат силни хормонални процеси. Тие можат да бидат или многу корисни или многу штетни. Вежбањето може да предизвика намалување на активноста на инсулинот. Исто така може да предизвика зголемено ниво на кортизол, а со тоа и на инсулин.
Правилното вежбање со тежини е еден од неколкуте најсилни природни активатори на Хормонот за Раст (HGH) и тестостерон.
Вежбањето има ефекти против стареењето, активира согорување масти, го јакне имунитетот. Но неправилно и прекумерно вежбање, со несоодветна исхрана и недоволен сон, ќе има обратни ефекти.
Вежбањето може да поттикне зголемено излачување на тестостерон. Исто така вежбањето може да го потисне тестостеронот на ниско ниво. Вежбањето може да го потисне кортизолот, но може и да го активира во многу високо ниво.
Да се каже дека вежбањето е здраво е само општо кажана изјава. Вежбањето е средство за поттикнување на хормоните. Како ќе го употребувате тоа средство ќе одреди колку и кои хормони ќе се активираат/деактивираат.
За да постигнете раст на мускулите и идеална фигура, потребни се интензивни дури и ѕверски тренинзи. Но до таквиот интензитет се стигнува постепено, за да му дозволите на вашиот имунитет да се адаптира и да може да го толерира шокот. Така се јакнат вашиот имунитет, здравјето и мускулите.
Со наша програма за вежбање и исхрана ќе можете да бидете сигурни дека сите овие фактори се опфатени.
Исцрпување
Долги тренинзи над 60 минути не се препорачуваат, не само заради имунитет. Многу е можно да можете да вежбате 90 минути без проблем и без разболување. Пролонгираните тренинзи активираат кортизол кој директно ги нарушува и успорува придобивките од тренингот.
Слабата и неправилна исхрана исто така може да биде фактор за разболување бидејќи телото нема доволно енергија и сировини за да се рехабилитира од тренингот и почнува да се исцрпува.
Недоволното спиење може да биде многу силен фактор во разболувањето по тренинг. Со најдобрата исхрана и суплементи пред и по тренингот, а без доволно сон, сепак можете да се разболите. Доволно спиење подразбира секојдневно спиење по 8 часа.
Бидејќи телото ги снижува своите механизми за енергија неколку часа пред полноќ, вежбањето по тој период е шок за телото (а најдобар за старт со спиење). Во период на намалено производство на енергија, телото станува поранливо и ако го изложувате на стрес тоа ќе почне да се брани со температури, алергиски реакции и сл.
Што да правите ако се разболувате после вежбање:
- Внесувајте витамини и минерали во текот на денот.
- Не одете во теретана или на вежбање додека целосно не оздравите.
- 1000-1500 mg витамин Ц веднаш пред тренинг.
- Оброк најдоцна 60 минути по тренинг.
- 5 грама БЦАА аминокиселини пред и по тренинг.
- 5 грама глутамин пред и по тренинг.
- 5 грама креатин дневно.
- Внесувајте 20-50 мг цинк дневно.
- Намалете го интензитетот – помалку повторувања, вежби и сетови, помали тежини.
- Вежбајте најмногу 45 минути.
- Не вежбајте повеќе од 3, максимум 4 дена неделно.
- Имајте барем 1 ден одмор помеѓу тренинзи.
- Пијте најмалку 500 мл вода за време на тренингот.
- Пијте најмалку 2 литри вода дневно.
Во секој случај, првото нешто е да отидете на лекар и да ги направите потребните проверки, анализа на крв, урина и сл., бидејќи може да постојат состојби кои независно од вежбањето го намалуваат вашиот имунитет а вежбањето само ги потенцира и прави да дојдат до израз.
