Тестостерон
Тестостерон е еден од најважните хормони кога станува збор за градење мускулна маса. Во човековото тело, кај машките се произведува главно во тестисите и многу мал дел во други жлезди. Кај жените се произведува во јајниците, но во многу помала количина отколку кај машките.
Тој е директно одговорен за сексуалниот нагон и игра голема улога во продукцијата на сперма. Огромна улога има во мускулната и коскената маса и влијае врз тоа колку ќе складирате масти во телото. Нивото на тестостерон влијае и врз расположението.
Тестостеронот е еден од најважните фактори кои влијаат врз формирање на мускулна маса и сила. Тој поттикнува раст на ткивата и влијае врз хормонот за раст.
Исто така ја зголемува густината на коските и влијае врз производството на црвените крвни клетки (клетки во крвта кои спроведуваат кислород од белите дробови низ телото). Мажите со ниски нивоа на овој хормон се посклони да имаат скршеници на коските.
Тестостеронот има улога во тоа како телото ги третира мастите и помага за нивно ефективно топење. Ниско ниво на тестостерон може да придонесе во зголемено формирање сало, салести гради, итн. Ниско ниво на овој хормон кај мажите значи и повисоко ниво на естроген (главниот женски хормон).
Правилното вежбање со тежини поттикнува зголемено ниво тестостерон во телото. Исто така исхраната и спиењето имаат огромно влијание врз овој хормон. Со повисоко ниво на тестостерон многу побрзо и полесно се гради мускулна маса. Вежбањето со тежини е метод за поттикнување на продукцијата на тестостеронот (и други хормони), а тоа предизвикува градење на мускулна маса и формирање на посилна и естетска мускулна структура.
Од аспект на вежбањето, не е доволно да се каже само дека вежбањето го поттикнува тестостеронот. Вежбањето може да го намали тестостеронот ако не се практикуваат овие принципи.
Најефективните вежби за повисока продукција на тестостерон се сложените вежби (што влијаат на повеќе мускули одеднаш).
Доколку правите изолациски вежби, секогаш во секој тренинг вклучете сложени вежби доколку сакате повисока продукција на тестостерон. Поделбата на деновите за вежбање, на пример еден ден само раце, можеби звучи логично но од аспект на тестостеронот, тоа не е ефективно без сложени вежби. Да речеме за бицепс, ќе добиете многу поголем одзив на тестостерон ако направите 3 серии од некоја изолациска вежба за бицепс, плус три серии од која било од овие вежби, отколку 2 различни изолациски вежби по 3 серии од секоја.
Од аспект на исхраната, најважно е телото да биде во режим на согорување масти наместо согорување шеќери. Доколку телото е во режим на согорување шеќери, тоа значи дека е во режим на складирање масти. Доколку складирате масти, тоа значи покачен естроген и се разбира намален тестостерон и хормон за раст.
Прочитај за другите хормони
