Соја и протеин од соја – дали ви се потребни?

Соја и производи од соја

Сојата се проповеда како здрава алтернатива во исхраната особено за вегетаријанците. Сепак, во последно време ја бие лош глас заради тоа што луѓето станаа посвесни дека најчесто е ГМО. Сепак сојата е презастапена во голем број производи.

Таа најчесто не е здрава алтернатива.

Сојата содржи две супстанци кои го блокираат разложувањето односно варењето на храната.

Затоа сојата предизвикува гасови и подуеност на стомакот.

Не само што сојата сама по себе ќе биде многу тешка за варење, сè друго што сте внеле пред, со или по оброкот со сојата исто така ќе биде многу отежнато за варење. Тоа во превод значи блокирана апсорпција. Иако внесувате нутриенти, тие имаат многу мал ефект.

Варењето на храната е процес на нејзино разложување на сè попрости и попрости делови.

Распаѓањето е исто така разложување. Затоа ист ваков ефект имаат конзервансите, бидејќи нивната задача е да спречат разложување/распаѓање на храната.

Ист ваков ефект имаат вештачките засладувачи како сукралоза, ацесулфам-к и аспартамот, засладувачи кои се користат во многу суперкулбезшеќерзатвоетоздравје производи, 99% од протеинските прашоци, во сите протеински јогуртчиња, во протеински и хелти барови, суплементите во вид на прашоци со вкусови (тропик чери-мери, фрутимути…), мастики за џвакање, бонбони, енергетски пијалоци, сокови, зеро заблуди и слично. Насекаде.

Затоа денес, потребно е човек да се храни ПАМЕТНО.

Тестостеронот

Сојата го зголемува нивото на естроген кај мажите и го намалува нивото на тестостерон.

соја и протеин од соја - muskultura.mkТестостеронот е најприсутен кај мажите. Игра важна улога во здравјето. Одговорен е за развитокот на мускулите и коските и за сексуалниот нагон. Исто така игра улога во зајакнувањето на крвта и многу други функции. Постојат многу природни начини како може да се зголеми нивото на тестостерон кај мажите, а сојата не е еден од нив.

Сојата содржи состојки што имаат особини слични на естрогенот кои го зголемуваат нивото на естроген кај мажите. Тоа предизвикува намалување на нивото на тестостерон.

Сојата не само што ќе го намали нивото на тестостерон туку може да го намали и бројот на сперматозоиди. Постојат многу извори на протеини, затоа нема да ви биде на штета ако избегнувате соја и протеин од соја. Напротив.

Сојата е составен дел на многу производи и „протеински производи“.

Многу е ефтина, а богата со протеини. Околу 52% од нејзиниот состав е протеин. Добар дел од многуте протеински чоколади и разни благи протеински оброци кои се нудат како „протеински оброк“, се всушност со соја и најголемиот дел од протеините во нивниот состав се соја протеин.
Истото се случува и со протеинските прашоци. Осигурајте се кој вид протеини се содржани во производот. Прочитајте го составот од пакувањето на производот.

Таквите производи треба да се избегнуваат. Постојат протеински прашоци со добар квалитет кои не содржат воопшто протеин од соја. Тие се паметен избор.

Производите кои содржат протеин а кој не доаѓа од соја сепак може да имаат мала количина соин додаток. Тоа е случај и со многу други прехрамбени производи. Ваквите додатоци од соја се користат за полесно производство и за подобра измешаност или соединета текстура на производот. Минималниот внес на таквите додатоци преку производите нема значајно негативно влијание врз хормоните.

Соја протеин? Во никој случај.

Не сте сигурни за некои производи? Консултации со Мускултура