Житна култура: систем на препораки, верувања, вредности, обичаи, симболи и практики кои се карактеристични за група луѓе кои ги почитуваат житата до речиси божествено ниво.
Тоа е култура во која на житата им се придава врвна улога во исхраната, а со тоа и во животот. Нивен идол е пирамидата на фанатизмот, а за дел од нив најголемо духовно достигнување се парите. (Сепак, голем дел од нив поаѓаат од чесна идеја и најискрено веруват во пирамидата на исхраната).
Тие говорат против црвеното месо, холестеролот, јајцата и млечните производи. Се залагаат за мал внес на протеини и масти. Тие се оние кои ги озлогласија мастите.
Житната култура беше создадена како стратегија за заменување на навиките. Таа замена ја отвори вратата за ново ниво на профитирање од сите можни страни притоа држејќи го обичниот човек обичен – преокупиран со проблемите на своето тело. Месото, млечниот путер, кашкавалот и јајцето станаа непријатели. Овесот, пченицата, крекерите, корнфлексот, муслите, кафеавите шеќери, вештачки селектираните овошја поблаги и поголеми од кога било претходно во историјата, вештачките засладувачи… – станаа префериран (препорачан) избор.
Тестостеронот кај просечниот маж е најнизок од кога било претходно во историјата, но житната култура инсистира на јадење жито.
Стапката на рак не била никогаш повисока од денес, но житото е супер.
Дијабетесот никогаш не бил позастапен, но житната култура за него нуди жито.
Срцевите заболувања се број 1 причина за смрт, а житото е број 1 препорачана храна (види ја пирамидата).
Дебелоста е на најрекордно ниво (над 50% од луѓето имаат вишок килограми), а сепак житото е секогаш со нив на масата. Стомаците ќе пукнат, но на секој ручек има изобилство од жито.
Житото не е виновно. Ниту адитивите, вештачките засладувачи, бои и вкусови, ниту токсините во околината, ниту фактот дека најголемиот број бремени жени внесуваат сè од ова (растечката стапка на новородени со дијабет тип 1 и аутизам не е случајност).
Виновна е житната култура. Оваа „култура“ не е само проповедништво на жито, туку е цел склоп од социолошки, психолошки и едукативни дефекти. Таа беше зачната од желба за манипулација и угнетување на човековиот род, a популација која е преокупирана со проблемите на своите тела, не може да биде пречка во спроведувањето на угнетување. Човек со половично здравје нема истрајност за лични работи, а камо ли за општествени.
Житната култура е навлезена толку длабоко во порите на системот на целата Земја, што таа нема никаква врска со политичките систем или гарнитури, таа ги „храни“ сите нив, поточно се храни од сите нив.
Сите припадници на житната култура не се свесни платеници. Неа најмногу ја учат невини луѓе, кои тргнуваат со најдобри намери кон човештвото. Таа доаѓа од учебниците, од образовниот систем, од препораките. Толку е вкоренета, што децата уште пред да почнат да учат школо, се научени да живеат на жита. А кога ќе почнат да учат школо, житната култура е тука да им ги довсади фикс идеите.
Овие фикс идеи се важен дел од стратегијата бидејќи главна карактеристика на фикс идеите е ПОДОЦНЕЖНА ПОТЕШКОТИЈА ИЛИ НЕМОЖНОСТ ДА СЕ СОГЛЕДУВААТ ВИСТИНИТИ ИДЕИ.
Ако ја проанализираме оваа лекција од учебникот по природни науки за трето одделение, би се збуниле:
„Храна богата со шеќери нѝ дава енергија.“
Но „консумирање слатки и газирани пијалоци доведува до расипани заби“. Значи за да имам енергија мора да имам расипани заби??? Јаглехидратите не се неопходни за енергија.
„Консумирање храна богата со масти (брза храна) доведува до појава на срцеви болести и прекумерно зголемување на тежината.“ Поистоветуваат масти со брза храна, што е елементарно непознавање и инсталација на истото во умовите на децата. Втор заклучок за умовите на децата: мастите водат кон срцеви болести, а храната богата со шеќери не. Иако всушност најголемата причина за срцевите заболувања е фреквентно високото ниво на шеќер во крвта кое доаѓа од јаглехидратната исхрана.
Потоа постарите и „напредни“ ученици на оваа житна култура во понатамошните студии наместо функционални вистини, добиваат дополнителна збунетост која потоа ја пренесуваат во своите препораки и работа. Таа збунетост се рефлектира директно во човековото здравје. Така се одржува влошувањето на моменталната здравствена состојба на просечниот Земјанин.
Ова исто така го пишува во учебниците за спортски науки кои денес и веќе со децении се изучуваат:
„Внесувањето до 60 грама јаглехидрати на час за време на тешки тренинзи може да помогне за намалување на природните воспалителни реакции.“ Шеќерот кога се покачува во крвта е едно од највоспалителните нешта! Понатаму вели:
„Јадењето јаглехидрати по завршен долготраен тренинг ги надополнува резервите на гликоген, подготвувајќи ги мускулите за следната сесија. Внесот по тренинг треба да биде околу 1 до 1,2 грама јаглехидрати на килограм телесна тежина од извори на целосна храна како овошје, зеленчук со скроб, цели зрна и интегрални житарки, збогатена храна како леб, житарки, ориз и тестенини.“ Во главно е препорачана НАЈЛОШАТА ХРАНА. Продолжуваме:
„Општо земено, спортистите треба да вклучуваат 5 до 12 грама јаглехидрати по килограм телесна тежина.“ Ако тежиме 80 кг, тоа се 400-960 гр јаглехидрати дневно??? Атентат со продолжено дејство.
„Предложениот сооднос за консумирање храна после тренинг е 3-4 грама јаглехидрати на 1 грам протеин.“ За 80 кг, тоа се 96 гр јаглехидрати во оброк по тренинг, со само 24-32 гр протеин.
За неспортисти, препораката е да се внесуваат 225-325 гр јаглехидрати дневно.
Гледате како „обуката“ почнува уште пред трето одделение. И сега веќе возрасниот професор, доктор, нутриционист, тренер или спортист, ги препорачува истите препораки што ги учи уште од трето одделение, само со вистинска убеденост во нив. Многу е тешко да е убеден во нешто друго кога сите учебници велат така. Потоа поголемиот дел од популацијата е убедена во истото, бидејќи сите препораки велат така.
Нормално дека неплодноста, срцевите проблеми, дијабетесот, ракот, анксиозноста, депресијата и вишокот килограми ќе владеат. Тоа е целта на пирамидата на фанатизмот. Сепак, таа слика може да се промени.
P.S. Нека не ве залажува приказната за интегрално тесто, целозрнесто лепче, интегрални тестенини, кафеав ориз… Дел од житната култура сè почесто се залага за овие интегрални варијанти и постепено почнуваат да зборуваат против белото брашно – ќе видите дека добар дел од нив примаат финансиска надокнада за рекламирање на конкретни брендови интегрален леб. Како дува ветерот така се менуваат и нивните препораки. Тие немаат лојалност ниту кон она што го говорат, ниту кон луѓето. Единствено лојални се на својата плиткост која ги извитоперува до состојба да ги менуваат своите препораки така како што налагаат „модерните текови“, а не здравјето.
Дино Николиќ
Креатор и автор на Мускултура
Здравствен тренер
Фитнес инструктор и тренер за кондиција и сила
Сертификуван нутриционист
27.12.2023
